اربعین دزفولی

برارغریبم حسینم سلام 

که زینب رسیده اکوفه اشام 

برار غریبم ندوری خبر 

که زینب چه دیده ارنج سفر 

ندونی چطوری سفرکردمه 

چطور بی تو شوه سحر کردمه 

ستمگر که سرته سر نی زه بید 

تیامو همیشه ور نیزه بید 

وری ابرارم کنارم نشین 

دل وجون مارم کنارم نشین 

وری تا که بینی چه حاله دلم 

اداغ و مصیبت زغاله دلم 

اکل یتیمون یکیشون کمه 

رقیه.که داغش غم عالمه 

سرت می خرابه به دادش رسید 

یتیم تو هم ور مرادش رسید 

به نیزه به اومه سرت پا به پام 

به هرجا که بیدم نها خاص وعام 

زمونی به نیزه زمونی به طشت 

خدا دونه ای غم چه ورمون گذشت 

ندونی ا کیچه ا بازارمون 

ا سنگ و اشلاق ا آزارمون 

برارم کلونه هنی لارمون 

نظرکو ور پا پر اخارمون 

اسیری سر اومه اسیر تونم 

بسوزم دمادم که دیر تونم