نوحه زنجیر زنی

اکبر ، تازه جوونم

داغت ، بورده امونم

روله جوونیته ندیدم ۲

اکبر ، کلِّ کسونم

بابا ، خیمه رسونم

روله جوونیته ندیدم ۲

روله چطوری مو برم بار عزاته

روله مخم قبله کشونم دس و پاته

روله اچه خین سرت بَسَه تیاته

خینت جای حناته

نازم عهد و وفاته

روله جوونیته ندیدم 2

باغ حسین بی تو دگه زرد و خزونه

شاخه ی غم مین دلم زنده جوونه

غیر خدا درد مونه هیچکه ندونه

اومه روز جدویی

اکبر بیسه فدویی

روله جوونیته ندیدم 2

روله وری بین که حسین اومه دیارت

اومه نشینه دل غمدیده کنارت

روله وری خیمه رویم سی دل خوارت

نومت ورد زبونم

سی تو دل نگرونم

روله جوونیته ندیدم 2

حاصل عمرم به خدا رفت ا دس مو

شعله به عالم بزنه هر نفس مو

غرقه به خینه ا جفا کلّ کس مو

یادت صبر و قرارم

داغت بیسه دچارم

روله جوونیته ندیدم 2

روله به قربون سر تو په کجویی

روله اچه خیمه کنارم نمیویی

سُخته دل و جون منه داغ جدویی

اکبر ماه مدینه

نعشت غرق به خینه

روله جوونیته ندیدم 2

روله تو بیدی همه جا همسفر مو

بی تو وری بین که چه اومه به سر مو

سُختیه پی داغ غمت بال و پر مو

نیسی روله گداته

شعرش مدح و ثناته

روله جوونیته ندیدم 2