نوحه دزفولی حضرت علی اصغر (ع)

اصغرم حنجرت پاره بیسّه

درد بی اُویِت چاره بیسّه

اَ گریوه مُن و خنده تو چه غوغا بیسه

درس ایثار و وفا سی همه معنا بیسه

تو بخندی ، مُو بسوزم اَ غم تو علیُم

کاش این تیر جفا جا تو بزند می گُلیُم

خُوِ تو ‌چقدَه شِرینه که اَ خو نَموِرسی

حال و روز بُووَتَه روله دگه نمپرسی

مُو مخواسم که تو سیراُ بُووی و شیر خوری

روله بَخشُم که به جا اُوی تو وا تیر خوری

وری روله، رقیه منتظر دیدنته

به دو عالم ندهه لحظه ی بوسیدنته

وری روله که اَ مار تو خجالت نکشم

وری روله تو تسلا کو دل پر اَ تَشُم

تو چه کُوردی که ملائک اَ زمین و اَ هوا

بِبَرِن خینِ تونه تبرکی جای دوا

یادته روله عزیزم که چطوری عمووِت

بِنِشس پی دل پر غصه کنار للووت؟

بار سنگین فراق تو سرِ شونِ منه

آتشی زندی و سُختی دل داغون منه

علی اصغر که دلم سی تو پُر اَ آرزووَه

شعر نیسی اَ دَسِ پاک تو امضا مَخووَه