نوحه حضرت عباس _ دزفولی

حسینم ، برارم

مبرم به خیمه 2

هلُم جون سپارم

مبرم به خیمه 2

چه کنم بار غمم سنگینه

جای اُ مشک عمو پر خینه

حیف رخسار تونه یه ره دگه

تیر تا می تیَمَه نمبینه

مبرم به خیمه 2

اِ برارِ بی برارم چه کنم

که دگه دسی ندارم چه کنم

مو مخُم ری تونه بینم، اَ تیَم

نَتَرُم تیرَ درارم چه کنم؟؟

مبرم به خیمه 2

سر عباس فدای قدمت

دل بی تاب بسوزه اَ غمت

کاش بیسه که مو گردم اندو

لِفِ پروانه به دور حرمت

مبرم به خیمه 2

اَ زمین سرْمَه مخم وردارم

تا نُها پا تو ادب جا آرُم

بخشیُم، بی ادبی نی به خدا

پی دسا بِسَّه مصیبت دارم

مبرم به خیمه 2

به خداوند دلم خینه هنی

بگریوم که تو تِنا بِمَنی

سر ناقابل مو سَرْ پاته

تو سرِ دامن کی سرْتَه وَنی؟

مبرم به خیمه 2

بی دسی اَر که مُنه کورده خجل

پی تو بیعت بکنم پی دَسِ دل

شیر مارت، به دل خینِ بووَت

چشم نیسی به تونَه، دسْشَه مَهل

مبرم به خیمه 2